12 апрель көнне Матюшино урта мәктәбендә “Юрий Гагарин – безнең герой“ девизы астында  авиация һәм космонавтика көненең 55 еллыгына  багышланган зур бәйрәм оештырылды. Чараны кереш сүз белән  мәктәпнең физика укытучысы Ризидә Кузовенина башлап җибәрде. ”Бу бәйрәм  -  Җир шарыннан читтә үтүче барлык үзгәрешләрне белергә омтылучы  кешеләрне берләштерүче бәйрәм,”- диде ул.

     Укычылар кичәдә актив катнаштылар: Ю.Гагарин турында доклад, презентация һәм рәсем күргәзмәсе оештырдылар. Шулай ук викторинаның сорауларына да җавап бирделәр.

     Аннан соң укучылар һәм укытучылардан торган өч команда арасында “Галәмгә юл” исемле кызыклы уен оештырылды.

    “Бүгенге чара мәктәп укучыларының галәм киңлекләре турындагы белемнәрен тирәнәйтте.Туган илебезгә карата патриотик һәм горурлык хисләрен үстерде. Хәзерге чорда бу бик кирәкле тәрбияви юнәлеш булып санала”,- диде уенның җиңүчеләре - укытучылар.