Туган авылыбыз Ямаширмәдә урнашкан Страус фермасына сәяхәт балалар өчен һәрвакыт кызыклы. Алар анда төрле җәнлекләр һәм кошларны карап кына калмыйлар, ә рәхәтләнеп балык та тоталар.

Җәйге хезмәт һәм ял лагерына йөрүче укучылар өчен "Хезмәт десанты" үткәрелде. Укучылар авылыбызның терлекчелек фермасына ярдәм йөзеннән яфраклы агачлардан себерке бәйләп тапшырдылар.

Лагерьда экология көне уңаеннан "Табигать серләре" уены кызыклы булды.

"Табигать һәм без" темасына асфальтка рәсем конкурсы үткәрелде.

Лагерьда тәрбияләнүчеләр өчен Экологик линейка уздырылды, табигатьтә куркынычсызлык кагыйдәләрен үтәү буенча презентация күрсәтелде. Төшке аштан соң "Экологик калейдоскоп" темасына уен-сәяхәт балалар өчен бик мавыктыргыч үтте.

Фельдшерыбыз Энҗе Расиховна көн саен күзәтү астында тота. Һәр көнне балаларның сәламәтлеген тикшерә.

Лагерьга йөрүче балалар белән иртәнге зарядка ясагач һәм иртәнге аштан соң "Әкият көне" үткәрелде. Лагерьга йөрүчеләр "Минем яраткан әкиятем" темасына рәсемнәр  конкурсында бик теләп катнаштылар. Төшке аштан соң асфальтка рәсем ясау конкурсы узды. 

Лагерьның икенче көнендә хезмәт һәм ял лагерына йөрүче укучылар мәктәп яны участогындаэшләделәр: бәрәңге төбен эшкәрттеләр, су сиптеләр. Балалар белән "Сәламәтлек көне"нә багышланган чаралар: фельдшер белән әңгәмә, авырлыкны, биеклекне үлчәү кебек чаралар үткәрелде.

15июньдә Ямаширмә мәктәбендә "Көмеш су" балалар ял һәм сәламәтләндерү лагеры, "Тургай" хезмәт һәм ял лагеры эшли башлады. Тантаналы ачылу линейкасы үткәрелде.