8 март бәйрәме хөрмәтенә зурлар катнаш төркемендә "Аулак өй" дигән фольклор бәйрәм булып узды.Кичәдә балалар татар халкының уеннарын, биюләрен, сынамышларын, тизәйткечләрен, такмакларын башкардылар. Гүзәл хатын-кызларны бәйрәм белән котладылар.

Менә шулай биибез без,

Дусларым белән бергә,

Янда дусларым булганда,

Күңелсез түгел бер дә. ...

Биектау район мәдәният йортында балалар иҗаты конкурсының финалында зурлар төркеме балалары театр эшчәнлеге номинациасендә уңышлы чыгыш ясадылар.

Зур шатлык күңелебездә

Ал кояш күгебездә

Барыгыз да беләсездер,

Солдатлар көне бездә!

Бәйрәмебез гөрләп барсын

Уен-көлке күп булсын.

Әйдәгез, кызлар, биибез,

Әтиләр карап торсын.

Бер бәйрәм бар февральдә

Кадерле ул һәркемгә.

Аны иң зур бәйрәм дип

Мөмкин хәтта әйтергә.

 Ул тынычлык бәйрәме

Аны һәр кеше белә.

Ватанны саклаучылар

Бәйрәме дип йөртелә.

Ул солдатлар бәйрәме

Без котлыйбыз аларны.

Әтиләрне, абыйларны

Һәм бөтен солдатларны.

18 февраль көнне бакчабызда татар теле һәм әдәбияты укытучыларының, татар теленә өйрәтүче тәрбиячеләрнең район семинары булып узды. Семинар укыту эшчәнлеген яңарту шартларында балалар бакчасы, башлангыч һәм урта мәктәп эшендә дәвамчанлык темасына багышланды

Беренче кечкенәләр  төркемендә тәрбияче Гәйнетдинова Лилия Миннур кызы "Татарстан - туган ягым" почмагы өчен курчаклар гаиләсен татар милли киемнәренә киендерде

         8 нче февраль көнне  балалар бакчасы  коллективыннан "Россия чаңгы юллары- 2015" массакүләм ярышында балалар бакчасы мөдире Валиуллина Алия Әдһәм кызы  катнашты.

   “Гол керт!” (кәшәкә белән тупны йөртеп бару һәм кайту).