Безнең Чыпчык авылының“Ромашка” балалар бакчасында, “Өлкәннәр дә, балалар да табигать өчен җаваплы” дип исемләнгән экологик проект кысаларында,  район күләмендә семинар үткәрелде. Бу чарабызның төп кунаклары Татарстан Республикасының Биоресурслар буенча дәүләт комитеты хезмәткәрләре Фатихов Дамир Әмир улы һәм Фатихова Резеда Рафис кызы булды.
Шуны истә тотып семинар барышында зурлар төркеме белән кошлар көненә багышланган «Кошлар - безнең канатлы дусларыбыз!» исемендәге бәйрәм чарасы узды.
Бу көнне табигатькә сакчыл караш тәрбияләү максатыннан әти-әниләр  көче белән “Сыерчык оялары” конкурсы да уздырылды. Балалар, әтиләре белән бергәләшеп, гаиләләре белән ясалган сыерчык ояларын элде. 
Матур бәйрәмебез балалар белән тәмле "карга ботка"сы ашап тәмамланды. Әлеге боткадан авыз иткән кеше һәрвакыт сау-сәламәт була, дигән ышанулар яши. Бу ышану чынга ашсын, тормышлар мул, еллар имин булсын иде.