«Балкыш» балалар ижат йорты иҗат берләшмәләре һәрдаим иҗатта, эзләнүдә. Әле генә бер конкурста катнашалар, икенче карасаң- тагы бер фестивальдә чыгыш ясыйлар. Катнашып кына калмыйлар, бер-бер артлы җиңүләр белән шатландырып торалар. Менә күптән тугел Казанда узган Х Халыкара конкурста да безнекеләр булдырдылар! “Виват, Казан!” дип исемләнгән балалар һәм яшьләр иҗат коллективлары һәм аерым башкаручылар фестиваль-конкурсын Санкт-Петербург шәхәренең “Адмиралтейский” дип исемләнгән иҗат үзәге оештыра. Узган ел да “Балкыш”лылар Багавиева Азалия белән Шамсутдинова Ралина анда уңышлы чыгыш ясап, вокал буенча мактаулы урыннарны яулаган иделәр инде. Быел уздырылган фестиваль-конкурсның географиясе тагы да ныграк киңәйгән. Иҗатта көч сынарга дип, Казанга Мәскәу, Томск, Орск, Екатеринбург, ерак себердән кызлар һәм малайлар җыелган иде. Жюри составы быел бик тә дәрәжәле шәхесләрдән тора.Берничәсенең исемнәрен атап үтәсем килә: Санкт –Петербург мәдәният һәм сәнгать университеты профессоры, режиссер, актриса Людмила Никитина, Казан дәүләт консерваториясе, Муса Җәлил исемендәге опера һәм балет театры солисты Юрий Борисенко, Рәсәй Федерациясе һәм Татарстанның халык артисты Зилә Сөнгатуллина һәм башкалар.Конкурс 4 көн дәвам итте. “Балкыш” иҗат йорты данын якларга быел “Вокал” булегеннән ( укытучылары Шарафутдинова Голнар Солтан кызы һәм Даутова Алинә Азат кызы) Багавиева Азалия, Шамсутдинова Ралина, Королева Алиса, “Яшь конферанс” берләшмәсеннән (укытучылары Шакирова Йолдыз Радик кызы) Нигмәдҗанова Айсылу һәм Маүлүтова Гельяз бардылар. Кызларыбыз барысы да бик уңышлы чыгыш ясадылар һәм дәрәҗәле урыннарны яулап, фестивальнең лауреатлары булдылар, дипломнар белән буләкләнделәр. Бу юлы бигерәк тә “Яшь конферанс” берләшмәсе кызлары Айсылу һәм Гельяз укытучыларын уңышлары белән сөендерделәр.Бу алар өчен беренче шундый зур күләмдә уздырылган конкурста чыгыш ясау. Шуңа карамастан, кызлар бары тик мактауга лаеклылар. Гельяз Мәүлүтова 2 нче дәрәҗәле лауреат булса, Айсылу Нигмәдҗанова 2нче дәрәҗәле дипломны яулады. Матур буләкләр- “Адмиралтея йолдызы” кублары белән дә буләкләнделәр конкурсантлар. Мәүлютова Гельяз конкурсның махсус “Милли традицияләрне саклау”номинацисендә җиңүче булып, тагын бер бүләккә лаек булды. Багавиева Азалия, Шамсутдинова Ралина, Королева Алиса да лауреатлар һәм дипломантлар булып, җиңү киштәләрен тагын бүләкләр белән баеттылар. Конкурста катнашырга зур көчләрен салган укытучыларга, әти-әниләргә, “Балкыш” иҗат йорты директора Абдулазянова Гүзәл Тәлгать кызына чиксез рәхмәтләребезне белдерәбез.