Олы Битаман урта мәктәбендә 2 март көнне башлангыч сыйныф укучылары белән “Безгә куркыныч яный” дигән темага карата сыйныф сәгате уздырылды. Сыйныф сәгатендә: нәрсә ул куркыныч көтелмәгән хәлләр, аларга нәрсәләр керә, икенче төрле ничек атала һ.б. сорауларга җавап табылды. Шулай ук куркынычлардан ничек сакланырга, үз-үзеңне ничек тотарга кирәклеге турында әңгәмә үткәрелде, киңәшләр бирелде. Шулай ук кайбер сугышларда күпме кеше гомере өзелүе турындагы статистика белән дә танышып киттеләр. Дәрес ахырында укучылар, кеше гомере дөньяда иң кадерле, тыныч тормышта һәркемнең яшәргә тулы хокукы бар дигән нәтиҗәгә килделәр.

21 нче февраль көнне мәктәптә "Туган  тел көне" уздырылды. Укучылар арасында иң сәнгатьле шигырь сөйләүче бәйгесе үткәрелде.

10 февраль көнне 3-4 сыйныф укучылары белән сугыш кырларында ятып калган бабаларыбызны, авылдашларыбызны искә алырга мемориал такта янына бардык.

Татарстанның атказанган сәнгать эшлеклесе, шагыйрь Рафис Корбан 60 яшьлек юбилее уңаеннан авылдашларын, 2017 елның 5 февралендә Олы Битаман мәдәният йортында узачак иҗат кичәсенә чакыра.

Башлана - 12.00 сәгатьтә.

Район күләмендә уздырылган "Ел сыйныф җитәкчесе" бәйгесендә Абдуллина Ләйлә Нәкип кызы I урынга лаек булды. Котлыйбыз!