Башлангыч сыйныфлар укытучысы Гайнуллина Л.Н. 

"Туган җирем - Татарстан" темасына ачык тәрбия сәгате 

уздырды. Укытучы җитәкчелегендә балалар татар халкы 

турында күп мәгълүмат алдылар, үзләре дә актив катнаштылар.

Мәктәбебезнең татар теле һәм әдәбияты укытучысы

Низамиева Ә.Н. туган телләрне куллануның торышы 

турындагы Халыкара конференциядә катнашты, 

татар телен яклап чыгыш ясады.

"Ел укытучысы - 2020" конкурсының финалына үткән

татар теле һәм әдәбияты укытучысы Низамиева Ә.Н. 

мастер-класс күрсәтте, туган тел укытучылары арасында

2 нче урын алды. Коллегабызны котлыйбыз!

9 нчы декабрь - Ватан геройлары көне. Бу көнне мәктәптә 

тәрбия сәгатьләрендә герой пионерлар, "Кайнар йөрәкләр"

китабына кертелгән батырлар белән таныштылар. 

Мәктәптә экологик дәресләр башланды.

Дәресләрне укытучы Мингазова С.Р. уздыра.

Дәресләр киләчәктә дә дәвам итәчәк.

ПДН хезмәткәрләре белән очрашуда

районнан килгән вәкилләр 71 нче законны онытмаска, 

вак хулиганлыкны, начар гадәтләрне булдырмаска 

кирәклекне искә төшерделәр, укучыларны кисәттеләр.

1 нче декабрь - спидка каршы көрәш көненә

карата мәктәбебездә чаралар үтте.

Инвалидлар декадасы уңаеннан мәктәбебездә "Хәйрия ярминкәсе" узды. Укучылар, укытучылар көче белән җыелган акча ярдәм фондына тапшырылды.

Башлангыч сыйныф укучылары, укытучылары Хамитова Э.Н.,

Гайнуллина Л.Н. җитәкчелегендә, "Әниләр бәйрәме" уздырдылар.

Алар әниләренә үз куллары белән әзерләнгән бүләкләрен

тапшырдылар, җырладылар, биеделәр, ярыштылар.

Мәктәбебезнең татар теле һәм әдәбияты укытучысы

Низамиева Ә.Н. "Ел укытучысы - 2020" бәйгесенең

читтән торып уздырылган турын үтеп, Әлдермеш мәктәбендә

дәрес күрсәтте. Аңа алда да уңышлар телибез!