13 апрель көнне  Арча  муниципаль районы  “С.З.Габдрахманова исемендәге  Яңа Кенәр урта мәктәбе”  базасында үтүче РСФСР ның атказанган укытучысы, Бөек Ватан сугышы ветераны  Рәгыйб Усман улы Халитов исемендәге    “Бәхет биргән туган җирем” XII төбәкара  конференциясе үткәрелде. Конференция Татарстан Республикасы Мәгариф һәм фән министрлыгы белән берлектә оештырылды. Ул  Россия  Федерациясендә “Халыклар бердәмлеге елы”, Татарстан Республикасында  “Хәрби батырлык һәм хезмәт фидакарьлеге ” елы, Ю.Гагаринның космоска очышына 65 ел тулу  уңаеннан үткәрелде. Конференция фәнни эзләнү эшчәнлеге аша укучыларның интеллектуаль  танып белү  һәм иҗади эшчәнлеген үстерү, проект һәм фәнни–эзләнү эшчәнлеген оештыру тәҗрибәсе белән уртаклашу максатыннан үткәрелде.Әлеге төбәкара конференциядә безнең Кече Кибәхуҗа төп мәктәбенең 8 нче сыйныф укучысы Хуҗина Ралинә дә катнашты, проект эше белән уңышлы чыгыш ясап, 2 нче урынны яулады, Диплом белән бүләкләнде.Укучыны конференциягә физика һәм химия укытучысы Нигмәтҗанова Х.Н. әзерлэде. Котлыйбыз!