Юл йөрү кагыйдәләренә багышланган ачык чара

25 июнь көнне Теләченең беренче номерлы балалар бакчасында юл йөрү кагыйдәләренә багышланган ачык чара булып узды.  Монда бакчага йөрүче зурлар төркеме балалары катнашты. Чараны тәрбиячеләр Сабирзянова Л.М белән Мухаметзянова М.Е уздырдылар. Чараның максаты: мәктәпкәчә яшьтәге балаларда төрле куркыныч очракларда үз-үзеңне тоту кагыйдәләрен камилләштерүне дәвам итү; кеше сәламәтлеге, юлда йөрү кагыйдәләре буенча булган белемнәрен ныгыту. 

         Әлеге чарада район мәгариф бүлеге методисты Сәетова А.Н.  ГКУ “Фәнни һәм белем бирү  программасын финанслау дирекциясе БДД РТ "ның  әйдәп баручы белгече Ягафарова Г.Н, Теләче районы буенча ЮХИДИ инспекторы полиция лейтенанты Нәзиров Р.Х катнашты. Балалар белән  юл билгеләре, аларның төрләргә бүленеше, тротуар һәм “зебра” турында сөйләштеләр. Кунак булып (сюрпризный момент) инспектор (тәрбияче Сабирзянова Л.М) керде.. Ул балаларга инспектор башкарган хезмәт турында, велосипедта йөрү кагыйдәләрен искә төшереп сөйләп үтте. Балалар табышмаклар һәм сорауларга җавап биреп тапкырлыкларын сынасалар, ярышлы уеннарда катнашып өлгерлекләрен, җитезлекләрен сынадылар. Чараның ахырында инспектор Нәзиров Р.Х балалар белән аралашты, юлда үз-үзеңне тоту кагыйдәләре турында сөйләде, балаларны кызыксындырган сорауларга җаваплар да бирде. Әлеге чара балаларның күңеленә хуш килде, үзләренә бик күп кызыклы мәгълүматлар алдылар. Ахырдан, килгән кунаклар балаларга үзләренең бүләкләрен тапшырдылар.