Туган телне яттан сөйләп

Үсеп җиткән без шулай.

Барлык татар балалары

Ярата сине Тукай.

         Г.Тукай 26 апрельдә – матур яз көнендә, җылы яклардан кошлар килгәч дөньяга килгән. Ул бик яшьли үлсә дә, аның әсәрләре озын гомерле. Менә бүген 25 апрель көнне безнең 1 нче номерлы “Алёнушка” балалар бакчасында “Тукай теле – туган тел” исемле бәйрәм үтте. Бәйрәм “Туган телем” җыры белән башланып китте. Тукайның шигырьләре театраль тамаша белән бергә үрелеп барды. “Безнең гаилә”, “Гали белән Кәҗә”, “Кызыклы шәкерт”, “Бала белән күбәләк” шигырьләрен балалар яратып сөйләделәр.  М.Саматның “Су анасы әкиятен сөйләгәндә тын да алмыйча тыңладылар, аннары гөрләтеп кул чаптылар. “Шүрәле” кергәч кайбер балалар әзрәк куркып та, гаҗәпләнеп тә калды. Шүрәлегә Тукайның яратып уйнаган “Башмакчы” һәм “Ачык авыз” уеннарын уйнап күрсәттеләр. Шүрәле шуннан соң “Кети-кети” уйнап йөрмәскә “сүз бирде”. Бәйрәм “Тукайга” җыры белән тәмамланды.

         Г.Тукай үзенең әсәрләре аша безгә акыллы киңәшләр биргән. Серле әкиятләре, кызыклы шигырьләре өчен без аңа бик тә рәхмәтле!

Апрель җитсә исемеңне

Җырына куша тургай

Милләтемнең кояшы син

И моңлы, нурлы Тукай.

Тылсымлы шигырьләреңне

Укыйбыз кабат – кабат

Балачак хыялларына

Бирәләр алар канат.