Халкыбызның иң куңелле язгы бәйрәмнэренең берсе,  карга боткасыдыр. 21 нче март көнне, көн белэн төн тигезләшкән вакытта, кара каргалар килү хөрмәтенә үткәрелә торган бу бәйрәм халык тарафыннан бик яратылып кабул ителә.

Татар теле укытучысы Исмагилова Наилә Габдулхаковна ярдәмендә безнең балалар бакчасында да бу бәйрәм үткәрелде. Югары группа балалары кошлар булып бер группадан икенче группага кереп балаларга төрле шигырьләр сөйләделәр, үзләре турында  (кошлар турында) сөйлэп киттеләр. Шулай ук өйләреннән алып килгән ярмаларны җыеп алдылар. Ботка пешкән арада балалар төрле уеннар уйнадылар, табышмаклар әйттеләр. Бәйрәмнең иң күңелле вакыты урамда ботка ашау булгандыр мөгәен. Балалар ботканы ашап бетергәч,  каргаларны да сыйладылар.  «Карга боткасы» бәйрәме балаларның күңелендә бик уңай тәэсир калдыргандыр.

Гөреф-гадәтләребезне, бәйрәм-йолаларыбызны онытмыйк! Алар балаларыбызда кешелекнең иң куркәм сыйфатларын тәрбияләргә ярдәм итә.