Балалар бакчасында иминлек атнасы кысаларында бүген бик мөһим һәм кызыклы очрашу булды. Безгә батыр һөнәр иясе вәкиле — баш белгеч, эчке хезмәтнең өлкән лейтенанты Хакимуллин Ленар Мулланурович килде.

Ленар Мулланурович балалар белән сөйләшү уздырып, ут куркынычсызлыгы кагыйдәләре турында сөйләде, ут белән шаярырга  ярамый икәнен аңлатты һәм ут чыгу очрагында нинди эшләр башкарырга кирәклеген искәртте.

Белемнәрне ныгыту өчен, тәрбияче  Әсхәрова Н.В. тарафыннан «Коткаручылар» дигән кызыклы ролевая уен оештырылды. Янгын сүндерүченең тәҗрибәле кул астында, балалар ут сүндерү һәм зыян күргәннәрне коткару элементларын практикада үзләштерделәр. Уен балалар өчен кызыклы вакыт үткәрү генә түгел, ә тормыш өчен мөһим кагыйдәләрне яхшырак хәтерләүгә дә ярдәм итте.