Театр - ул тылсым дөньясы! Театрда хыяллар тормышка аша, күңелләр рухи азык ала. Театр сәнгате төрле халыклар арасында дуслыкны арттыра, берләштерә, халкыбызның рухын ныгыта, теленә, гореф-гадәтенә мәхәббәт уята.

Бүген театр көне. Әлеге уңайдан Теләченең беренче номерлы балалар бакчасының һәр төркеме гаҗәеп чыгышлар әзерләде.Ә без сокланып карадык.

Мәктәпкә әзерлек төркеме «Шалкан»классик әкиятен курчак театры рәвешендә тәкъдим итте. Балалар дуслык һәм уртак тырышлыкның авырлыкларны җиңәргә ярдәм итүен оста итеп, әкият геройлары ярдәмендә  күрсәттеләр.

Зурлар төркеме популар булган «Маша һәм аю»тарихын өстәл театры итеп тәкъдим итте. Аларның уены бик мавыктыргыч килеп чыкты.

Уртанчылар төркеме «Теремкәй " әкиятен шаулы театр рәвешендә күрсәтеп гаҗәпләндерде. Бу әкиятне балалар креатив кабул итүләрен шаккатып күзәттек.

Ә икенче кечкенәләр төркеме шулай ук «Теремкәй» әкиятен сөйкемле персонажлар һәм кызыклы вакыйгалы күренешләр аша күрсәттеләр.

Беренче кечкенәләр төркеме бармак театрын тәкъдим итте.

Ә театрның иң авыр төре нәниләр төркеменә эләккән иде.  Алар драматизация жанрын күрсәтеп  тамашачыларның йөрәкләрен тетрәндерде. Аларның ихлас чыгышы барыбызны да  гаҗәпләндерде!

 Без тырыш кечкенә артисларыбыз һәм иҗади педагогларыбыз белән горурланабыз!