Нәүрүз-татар халкының күптән көтелгән иң матур йола бәйрәмнәренең берсе. Бүген, 21 март көнне, безнең балалар бакчасында “Нәүрүз " бәйрәмен күңелле итеп билгеләп үтте. Балаларга кунакка Кыш бабай белән Нәүрүзбикә, Убырлы Карчык килде. Алар үзара ярыштылар: Кыш бабай бирешергә теләмәде, көч аз калды, чөнки урамда җылы, язгы кояш балкый. Шулай итеп, яз гүзәле - Нәүрүзбикә җиңде. Балалар да уйнадылар, җырладылар, биеделәр, Яз һәм Нәүрүз турында шигырьләр укыдылар. Башыннан ахырына кадәр бәйрәм рухы хөкем сөрде, балалар үзләренең артистлык сәләтләрен күрсәттеләр. Мондый фольклор бәйрәмнәре халыклар арасында дуслыкны сакларга ярдәм итә, йола бәйрәмнәренә, туган телгә мәхәббәт һәм кызыксыну тәрбияли.