«Сабантуй» журналы  танып – белү юнәлешенә бик зур йогынты ясый. Төп герое Шәвәли белән балалар мавыктыргыч дөнья белән танышалар. Төрле уеннар, биремнәр, лабиринтлар, кроссвордлар, башваткычлар чишәләр. «Салават күпере» журналының һәр санында чыккан әкиятләр аша бала, үзе дә сизмәстән, кызыклы сәхифәләр буйлап сәяхәт итә, файдалы мәгълүмат ала. Андагы гади һәм матур шигырьләр аша сөйләм телен баета, хәттә чит телләр өйрәнүдәге тәүге адымнарын ясый.