Туберкулез авыруы безнең заманда да иң куркыныч, иң мәкерле чирләрдән санала. Ул кешедән кешегә йога. Йогышлы чирне авыру терлек тә тарата ала. Туберкулез чәч белән тырнактан кала бөтен әгъзаларда да була. Әйтик, сөяк буыннары, ашказаны, бөер, лимфа төеннәре туберкулезы. Шулай да ул күбрәк үпкәдә очрый.          

      Туберкулез чиреннән тикшеренү үтмәгән бала, санитария таләпләре буенча, балалар бакчасына кабул ителергә һәм мәктәпкә укырга кертелергә тиеш түгел. Чөнки авырып китеп тә, вакытында беленмәгән икән, чир тиз арада бүтәннәргә дә йогарга мөмкин.

     Туберкулез инфекциясе организмда бармы-юкмы икәнен Манту реакциясе буенча белеп була. Шул максаттан бүген, ягъни 28 февраль көнне безнең Олы Нырсы балалар бакчасында шәфкать туташы Хайрутдинова Э. Манту реакциясен ясады. Шәфкать туташы балаларның тән температурасын үлчәп, сулыш юлларын тыңлады, гомуми сәламәтлекләрен карады.