Балалар бакчасында үткәргән шөгыльләрне экскурсияләр белән ныгыту нәтиҗәле алымнарның берсе икәне һәркемгә мәгълүм. Кибеткә экскурсия ясаганчы, балаларга сатучы һөнәре турында сөйләнелде, көнкүреш товарлары, аларның төрләре, кулланышлары турында белемнәре арттырылды. Аннан соң балалар белән авыл кибетенә экскурсиягә бардык. Сатучы Рушания апа белән очраштык, балалар аңа үзләренең сорауларын бирделәр. Бакчага кайткач, малайлар, кызлар үзләренең тәэсирләре белән уртаклаштылар. Үзебез дә диалогик сөйләмне үстерү, сүз байлыгын арттыру максатыннан "Кибетче" уенын уйнадык. Шулай уйный-уйный үсәбез.