Татар язучысы Абдулла Алиш әкиятләре кечкенә тыңлаучылар өчен дә аңлаешлы һәм гади. Шул ук вакытта аларда бик тә мөһим, җитди мәсьәләләр турында сүз бара. "Койрыклар" әкияте дә шундыйлардан. Автор нәниләрне урман тормышы, анда яши торган җәнлекләр белән таныштыра. Бакчабызга йөрүче балалар да бу әкиятне тын да алмыйча карадылар. Соңыннан  тәрбияче апалары акыл, хәтер, күзаллау, фикер йөртү, сөйләм телен үстерү максатыннан биргән сорауларга бик теләп, берсен берсе уздыра-уздыра җавап бирделәр.