Бүген бакчабызда мәктәпкә чыгарылыш кичәсе булып узды.Бәйрәмебезгә күп кунаклар килде.Дүрт кызыбызны һәм бер малаебызны олы юлга - мәктәпкә озаттык.Бәйрәм тантанасын балалар бакчасы мөдире Мингазова Н.Ә ачып җибәрде. Ул әти-әниләрне,бакча хезмәткәрләрен,балаларны шушы бәйрәм белән котлады,аларга үзенең теләкләрен җиткезде.Бәйрәм матур җыр-шигырьләр,биюләр белән үрелеп барылды.Бу бәйрәм ата-аналар һәм бакча хезмәткәрләре өчен шатлыклы һәм ямансуырак та бәйрәм.Балаларыбызны сау-сәламәт итеп тәрбияләп озату шатлык булса,аларны озату безнең өчен ямансу,чөнки һәрбер бала безнең йөрәкләребезгә кереп урнашкан,һәрберсенең безнең күңелләрдә үз урыны бар.Без балаларыбыз исән-сау булып,бездә алган белемнәрен алга таба үстереп, чын кешеләр булып үссеннәр иде дигән изге теләктә калыйк.Хәерле юл Сезгә нәни дусларыбыз!