Бүген Алан урта мәктәбе укучылары Нәүрүз бәйрәмен билгеләп үттеләр. Нәүрүз – язны каршылап, язгы чәчү эшләре алдыннан үткәрелә торган халык бәйрәме ул. Нәүрүз сүзе яңа көн (ел) дигәнне аңлата. Нәүрүз бәйрәме – ул игелек, дуслык бәйрәме. Бу гүзәл, язгы бәйрәм көнендә кешеләр бер-берсенә кунакка йөриләр, бер-берсенә булган үпкәләрен оныталар, җырлыйлар , бииләр, рәхәтләнеп күңел ачалар. Бу бәйрәмнең хуҗасы- Нәүрүзбикә. Кыш бабай белән Нәүрүзбикә көч сынаштылар. Бәйрәм ахырында тәмле коймак, чәй белән сыйландылар.