18 июньдә "Каенкай" лагерендә "Әбиләр Һәм бәбиләр" көне үтте. Укучылар белән авыл китапханәсендә бишек җырлары конкурсы үткәрелде.

16 июнь көнне мәктәп яны лагерендә "Бантиклар көне"  уткәрелде. Бу көнне балалар "Лагерь гүзәле" исемен алу өчен ярыштылар. 

10 июньдә  "Каенкай" лагерендә "Театр һәм кино" дигән тамаша күрсәтелде. Балалар төрле әдәби геройлар булып чыгыш ясадылар. Балаларга тамаша бик ошады, чын күңелдән ял иттеләр.

Шул ук көнне район кино челтәреннән "Человек - паук" фильмы күрсәтелде.

Яңа Бүләк төп гомуми белем бирү мәктәбендә   1 нче июнь – Балаларны халыкара яклау  көнен  билгеләп  үттек.  Кече Сабантуйда балалар   бик күңелле  бәйрәм иттеләр.  Балалар асфальтка  рәсем ясадылар,  капчык киеп йөгерделәр

30 нчы май көнне гомуми ата-аналар җыелышы уздырылды. Җыелышта ата-аналар алдында  Тукай районы Үзәк шифаханәсе баш табибы Сабирҗанов Г.Г. һәм врач- невролог Мусин И.Н.  чыгыш ясадылар.  Алар үзләренең чыгышларында  балалар арасында үз-үзенә кул салу очракларының артуы,  пиво, насвай куллану арту һәм аның зыяны турында таныштырдылар, укучыларның бик күп вакытларын компьтерда уйнап уздырулары турында сөйләделәр.  

Халыкара экологик субботник  кысаларында укучылар белән Яңа Бүләк авылы җирлегендә урнашкан  чишмәләрне  чистарту еоштырылды.  Балалар чишмә тирәләрендә  ташлап калдырылган чүпләрне  җыйдылар, чүп үләннәрен утадылар,  чәчкәләр утырттылар, утырткан агачлар һәм чәчкәләргә сулар сиптеләр.

24 май көнне мәктәптә соңгы кыңгырау бәйрәме үткәрелде. Бәйрәмдә әти-әниләр, ветеран укытучылар, килгән кунаклар укучыларның чыгышын зур кызыксыну белән карадылар. 9 сыйныф укучылары өчен соңгы кыңгырау яңгырады.

Район күләмендә үткәрелгән җиңел ятлетика буенча ярышта 100 м дистанциядә Хафизов Салават 2 урынны алды.

Район күләмендә үткәрелгән янгын куркынычсызлыгы буенча ярышта Хафизов Салават, Якшигулов Тимур, Тынчеров Хасан  призлы урыннар яуладылар.