2  октябрь  көнне  мәктәбебездә  эшләп  ялга чыккан  ветеран  укытучылар  һәм  техник хезмәткәрләр  өчен чәй өстәле әзерләнде. Бәйрәмне  мәктәп директоры  Лилия Дилбаровна Исхакова тәбрикләү сүзләре белән ачып җибәрде. Өлкәннәребез өчен 8 а сыйныф укучылары бик матур әдәби – музыкаль кичә күрсәттеләр. Чәй өстәле артында абый – апаларыбыз рәхәтләнеп сөйләшеп утырдылар, үткәннәрне искә алдылар. Шушы мәктәптә озак еллар директор  булып эшләгән Фәрит Ситдикович Шакиров, укыту эшләре буенча директор урынбасары булып эшләгән, хәзерге  вакытта  авылыбызның имам – хатыйбы Фалих Валиевич Арслановлар мәктәп администрациясенә, аш – су  әзерләүчеләргә, балаларга, аларның сыйныф җитәкчеләре Ильмира  Музиповнага  үзләренә  күрсәтелгән кадер – хөрмәт, игътибар өчен  зур рәхмәтләрен җиткерделәр. Бәйрәм  ахырында  барлык  ө лкәннәргә  дә   мәктәп администрациясе әзерләгән истәлекле бүләкләр өләшенде.