Зурлар һәм мәктәпкә әзерлек төркеме балалары, тәрбияче апалары Сахапова Гөлнара Салих кызы белән берлектә, «Өчпочмаккай һәм түгәрәк маҗаралары» дигән әкият иҗат иттеләр.Үз куллары белән рәсемнәрен дә ясап, «Салават күпере» журналы үткәргән «Үз китабым» бәйгесендә катнаштылар. Бу китап, Казан  шәһәренең 18 нче номерлы үзәк клиник хастаханәсе каршындагы балалар стационарының  ата- аналар тәрбиясеннән мәхрүм  калган балаларга бүләк ителәчәк. Аларга сәламәтлек һәм уңышлар телибез!

Бакча коллективы ата-аналар белән һәрдаим тыгыз элемтәдә. Балаларны тәрбияләүдә туган сорауларны, проблемаларны бердәм чишәбез. Бүгенге көндә балаларның сөйләмендә туган проблемаларның берсе -авазларның дөрес әйтелмәүе. Шул уңайдан тәрбияче Сахапова Гөлнара Салих кызы тарафыннан су- джок методикасы өйрәнелде, ата-аналар массажерлар бүләк иттеләр. Тәрбияче апалары күзәтүе астында балалар эшчәнлекләр барышында, мөстәкыйль уен вакытында кул очлыкларына шарлар һәм боҗралар белән массаж ясыйлар. Барлык әти - әниләргә дә  ярдәмнәре өчен зур рәхмәтебезне белдерәбез!

“Таңбатыр” балалар бакчасында ата-аналар җыелышы узды.

“Таңбатыр” балалар бакчасында 25 нче апрель көнне “Тукай әкиятләренә сәяхәт” исеме астында бик эчтәлекле кичә узды. Балалар Тукай әсәрләрен  әти- әниләре белән берлектә сәхнәләштерделәр.

16 нчы апрель көнне мәктәпкәчә хәзерлек төркеме балалары белән 4 нче сыйныф укучылары "Сәламәт яшәү рәвеше" дигән темага уртак бердәм эшчәнлек үткәрделәр.Тәрбияче Сәхапова Гөлнара һәм укытучы Шайхаттарова Индира апалары белән балалар викторина сорауларына җавап бирделәр, мультфильм карадылар. Укучылар бакча балаларына үз куллары белән эшләнгән бүләкләр тапшырдылар.

27 нче  март көнне мәдәният йорты  каршында  “Нәүрүз бәйрәме “үткәрелде.  Бу бәйрәмдә безнең бакча балалары да бик актив катнаштылар. Үзләренең матур җыр, шигырьләре белән бәйрәмгә ямь өстәделәр. Концерт карагач, авыл халкы мәдәният йортында Нәүрүз коймагы белән чәй эчәргә  өстәл янына җыелды. Һәркем бу бәйрәмдә рәхәтләнеп күңел ачты, сыйланды һәм Нәүрүз бүләкләренә ия булды.

7 мартта ата-аналарны "Буыннар чылбыры өзелмәсен" дигән гаилә бәйрәменә чакырабыз. Сәг. 11.00 башлана.

Был проведен конкурс воспитанников детского сада на тему «Солдат на посту». Участвовали все 24 ребёнка. Была организованна выставка рисунков в холе детского сада, который украсили шарами и детскими поделками посвященные ко «Дню Защитника Отечества». Была выпущена газета с фотографиями наших пап и дедушек на военной службе. Каждый ребёнок и родители могли ознакомиться с работами данного конкурса.