Шимбә көнне барлык мәктәп укучылары урамда төрле ярыш уеннарында катнаштылар.Алар иптәшләрен чаңгыга, чанага утыртып билгеле бер араны тартып уздылар. Шулай ук тулы сыйныф белән 1 км араны чабып үттеләр. Шуннан соң спортзалда “Ягез әле, егетләр”уены башланып китте. Уенда “Адидас”,”Бөркет”, “10 рота”,”Шок” командалары катнашты.Һәр команда исемен,девизын һәм җырын җырлаганнан соң эстафета башланды. Укучылар скакалка белән билгеле бер араны чабып үттеләр. Турникта тартылу, җәя белән уктан ату, сорауларга җаваплар бирү, бәрәңге әрчү, автомат сүтеп-җыю, гер күтәрү кебек уеннарны үтәделәр. Ярыш булгач, кемдер җиңә, ә кемдер җиңелә. 1 урын “Шок”командасына, 2 урын-“10 рота”, 3- “Бөркет”, 4-“Адидас” командасына бирелде. Уен күңелле үтте.