12-17 декабрь  көннәрендә Иске Рәҗәп  гомуми белем бирү мәктәбендә “Башлангыч сыйныфлар   атналыгы” үткәрелде. Атналыкта укучылар һәм укытучылар  үзләренең уңышлары белән таныштырдылар, тәҗрибә уртаклаштылар,  ачык дәресләр, Брейн-ринг, “Иң зирәк укучы”  бәйгеләре үткәрелде. 3 нче сыйныфта татар теленнән “ Исемнәрнең килеш белән төрләнүе” темасына- укытучы Минхатыпова Сария И., 1 нче сыйныфта Мөхәммәтҗанова   Фәния Д. “Сантиметр” темасына  яңа стандартлар буенча математикадан дәрес күрсәттеләр. Атналыкта 1-4 сыйныфлар, балалар бакчасы белән элемтәне дәвам итеп,   “Колобок”әкиятен инглиз телендә  сәхнәләштерделәр,чөнки быел нәниләр дә инглиз телен өйрәнә башлады.Алар инглиз теле укытучысы  Сәмигуллина Чулпан Ф.  белән шөгыльләнәләр.Атналыкны  башлангыч сыйныфның иң зирәк укучысын билгеләп тәмамладык. Җиңүче укучы- 3 нче сыйныфтан Сәмигуллина Алия  булды.