Ана хисе – иксез–чиксез. Аның мәхәббәте һәм кайгыртуы   якыннарында, өендә генә тәмамланмый.  Әнине җәмгыять  проблемалары да борчый, чөнки аның балалары һәм оныклары шунда яши. Шуның өчен дә безнең мәктәп ата – аналар белән тыгыз элемтәдә тора. Бәйрәм уңаеннан әниләргә багышланган “Иң кадерле әнием” исемле концерт күрсәттек. 1 – 11 сыйныф укучылары үзләренең әниләрен мактап шигырьләр, хикәяләр яздылар, рәсемнәр ясадылар. Бу күргәзмә актлар залына керү юлында урнашкан иде. Шулай ук, күп кенә укучылар үз әниләрен фотоларга төшереп килделәр. Фото материалны “Әнием кәзләре” исемле фоторепортаж итеп төзедек һәм концерт алдыннан күрсәттек. Бәйрәмгә укучыларның әниләре, дәү әниләре, әтиләре һәм авыл халкы да килгән иде.  Шушы тамашачылар исеменнән мәдәният мөдире Каюмова Резидә рәхмәт сүзләрен җиткерде.