Мәктәбебездә бик күңелле. Даими рәвештә төрле  чаралар, бәйрәмнәр, олимпиадалар, конкурслар үткәрелеп тора. 18 ноябрь көнне укучылар җыены булып узды.

Җыенның максаты :

 1. Районда үткәрелгән V яшь гражданнар форумында катнашучы мәктәбебезнең спикеры Зиганшина Гөлназ  һәм сәнгать комитеты җитәкчесе Хамидуллина Нәзилә белән очрашу, аларның чыгышларын тыңлау;

2. Күмәк уеннар өйрәнү;

3.”Хеллоуин” стилендә киенеп дискотека үткәрү;

4. Шәм яктысында җыенга нәтиҗә ясау.

Кичәбез бик күңелле үтте.Нәзилә белән Гөлназ укучылар алддында чыгыш ясадылар, үзләренең форумда актив катнашулары турында сөйләделәр, укучылар, укытучылар белән  төрле уеннар уйнадылар. Бу уеннарны тәнәфесләрдә башлангыч класслар белән уйнау өчен вожатыйлар да өйрәнделәр.

Җыен ахырында мәкәп укучылары өчен дискотека оештырылды. Дискотекага  “Хеллоуин” стилендә киенеп катнашырга , Хеллоуин турында сөйләргә һәм иң матур, иң кыю образга тавыш бирергә иде.  10 сыйныф укучысы Минсафина Лилия җиңүче булды.

Ә ахырдан шәм яктысында үткән чарага нәтиҗә ясалды.