Ә кич белән  мәктәптә  урта һәм өлкән класслар өчен “Яңа ел балы” үткәрелде. Әкиятче “Яңа ел балы”ның программасын игълан итте.  Мәктәп иленең президенты Булатова Әнисә Нуретдиновна мәктәп илендә яшәүчеләргә үзенең мөрәҗәгате белән чыгыш ясады – укучыларны, укытучыларны, әти-әниләрне, килгән кунакларны бәйрәм белән тәбрикләде, кытай календаре буенча “Зәңгәр ат елының гел уңышлар гына китерүен, укучыларга яхшы укырга, сәламәт булуларын теләде. Бәйрәм башланып китте. Бәйрәмдә төрле әкият геройлары – “Патша белән Патшабикә”, Кыш бабай белән Кар кызы катнаштылар. 7нче класс – “Кызыл калфак”. 8 нче класс Г. Тукай әкиятләре буенча – “Шүрәле, Су анасы”,9 нчы класс – “Золушка”, 10 нчы класс – “Белоснежка” әкиятләрен яңача сәхнәләштерделәр. Бәйрәм төрле “Бал” биюләре, вальслар, Яңа ел җырлары белән үрелеп барды. Соңыннан дискотека булды.

“Яңа еллар белән сезне барыгызны да!”