5-25 нче декабрьга кадәр мәктәптә “Чыршы” операциясе үткәрелде. Традиция буенча “Чыршы” операциясе ел саен үткәрелә. Укучыларга тәрбия дәресләрендә “Яңа ел бәйрәме кайдан килеп чыккан?”, “Беренче чыршы һәм аны бизәү гадәте”, “Яңа елны башка илләрдә ничек каршылыйлар?” дигән темаларга әңгәмәләр үткәрелде. Укучыларга төрле сораулар бирелде. Укучылар агачларны кискәч табигатькә,  экологиягә күпме зыян килүе, урманнарның кимүе, урманда яшәүче кошлар, җәнлекләрнең юкка чыгуы турында  кызып-кызып бәхәсләштеләр. Укучыларның экологик проблемаларны аңлаулары, бу өлкәдә белемле булулары, күбесенең өендә ясалма чыршы куюлары безне барыбызны да шатландырды.

5 нче класс укучылары үзләренең класс җитәкчесе Равилә Мингәрәевна белән, 6 нчы класс укучысы Гиниятуллин Расих матур итеп чыршылар ясадылар. 5 нче классның чыршысы районга конкурска җибәрелде.

“Агачларны кисмәгез, урманнарны саклыйк!”