Декабрь аеның 1еннән 10сына кадәр Җөмһүриятебездә һәм Россия Федерациясендә физик мөмкинлеләре чикләнгән кешеләр(инвалидлар) декадасы үткәрелә. 3 декарь исә - Халыкара инвалидлар көне буларак билгеләнеп үтелә.Шул уңайдан мәктәбебездә шушы декадага багышланган чаралар үткәрелде. “Кешеләргә җаныбызның җылысын бүләк итик!”, “Нәрсә ул шәфкатьлелек?”, “ Шәфкатьлелек бизи кешене” дигән темаларга тәрбия сәгатьләре үткәрелде. Районда үткәрелгән “Без барсын да булдырабыз!” дип аталган  иҗади эшләр конкурсына кул эшләре, рәсемнәр җибәрелде.”Елмаюың белән бүлеш!” дип аталган бәйрәмдә мәктәбебезнең укучылары Муртазина А,Кутлугужин А. Гиниятуллин Р. Самигуллин А.  катнашып кайттылар. Аларга шәхси эшләр конкурсында актив катнашканнары өчен “Рәхмәт хатлары” тапшырылды. Мәктәпнең укытучылар коллективы, укучылар  ел буе, даими рәвештә, мөмкинлекләре чикләнгән балалар  һәм аларның ата-аналары  белән тыгыз элемтәдә тора.