Мәктәбебезнең матур традицияләренең берсе – Уңыш бәйрәме.  Кече яшьтәге укучылар өчен бәйрәм көннең беренче яртысында узды. “Уңыш бабайда кунакта” исемле монтаж һәр сыйныфның чыгышларын үз эченә алган иде.  Бәйрәмдә матур шигырьләр, җырлар, табышмаклар, мәкальләр яңгырады. Шулай ук күңелле уеннар, сәхнәләштерелгән әкиятләр дә булды. Беренче сыйныф яшелчәләр полькасын, өченче сыйныф иген культураларын, дүртенче сыйныф шалкан әкиятен, бишенче сыйныф алтылар белән берлектә күмәч әкиятен күрсәттеләр.  Унынчы сыйныф укучылары Гәрәева Алсу, Шавалиева Алсу алып баручылар, Замалиева Динә Сөмбелә булды. Ашханәдә әзерләнгән өстәл артында тәмле ризыкларны авыз итеп ял иткәч , актлар залында  балалар күңелле биюләре  дәвам итте.