13 нче сентябрь көнне безнең мәктәптә Казан кунагы – Татарстан Республикасының халык шагыйре Ренат Харис белән очрашу үтте. Әлеге бәйрәмгә күрше авыл мәктәбе укучылары да килгән иде. Ике арадагы сөйләшү бик җылы, дустанә мөнәсәбәттә үтте. Балалар Р.Хариска тормышыбызның күп якларына кагылышлы сораулар бирделәр. Үзе дә бала җанлы шагыйрь һәр сорауга ихластан җавап биргәндә күбрәк үз тәҗрибәсенә таянырга тырышты, үз тормышыннан байтак гыйбрәтле мисаллар китерде.

     Бәйрәмдә аның шигырьләре, җырлары укучылар һәм укытучылар башкаруында яңгыравы тагын да нур һәм ямь өстәде.

     Ренат абый Харис мәктәбебезгә үзенең шигырь китапларын бүләк итте. Очрашу тәэсирләре безнең күңелләрдә мәңге сакланыр, шагыйрь җырындагыча “Күрешербез әле, бер күрешү – үзе бер гомер...”