Бөек Җиңүнең  68 еллыгын каршылап мәктәптә зур эшләр башкарылды. Башлангыч сыйныф укучылары сугыш ветераннарына үз куллары белән чәчәкләр, открыткалар,  9нчы сыйныф укучылары һәйкәлгә кую өчен веноклар ясадылар.

Сугыш ветераны, мәктәбебезнең музей җитәкчесе Зиннәт Гизатуллович укучылар өчен музейда  “9  май –Җиңү көне” нә багышлап музейда экскурсияләр оештырды.

 Бөек Ватан сугышына Татар­станнан 700 мөң кеше, ә безнең Иске Рәҗәп авылыннан 576 кеше сугышка алына, шулар арасыннан 7 се хатын-кызлар.  Сугыш кырларында Татарстан­нан 350 мең кеше, ә безнең Иске Рәҗәп  авылыннан 272 кеше сугыш кырларын­да һәлак була  Бу сугышта 182 ата-ана баласын югалта, 205 хатын тол кала, 404 бала әтиләрен бөтенләйгә югалта. Шулар арасыннан хәбәрсез югалганнар да шактый. . Туган илебезнең бик күп улла­ры һәм кызлары киләчәк буыннарның бәхетле тормышы, җир шарының тыныч­лыгы өчен гомерләрен биргәннәр.Татарстанда оештырылган 7 укчы һәм 2 авиация дивизиясе данлы сугыш юлы уза. Якташларыбыз Бөек Ватан су­гышының дәһшәтле яуларында Мәскәүне, Ленинградны саклауда, Ста­линград һәм Курск сугышларында, Днеп­рны кичүдә, Белоруссияне азат итүдә катнаша. Безнең авылдан нибары 26 кеше инвалид булып, 128 кеше яраланып  сугыш кырларыннан исән-сау әйләнеп кайткан.  Алар зур хөрмәткә лаек.

                        Дан сезгә, Бөек Җиңүне

                        Яулаган каһарманнар!

                        Онытылмас сезнең батырлык,

                        Дан сезгә, ветераннар!