Өченче декабрь көнне гомуми мәктәп линейкасында  “Туа бирми, тора бирә” исемендәге инвалидлар декадасын уздыру планы белән таныштык. Шафигуллин Р.А. инвалид балалар катнашы белән “Күңелле старт” уеннары үткәрде.  Тәнәфес вакытында  вожатыйлар ярдәме белән  укучылар арасында кызыклы уеннар узды. Һәр сыйныф җитәкчесе (инвалид баласы булган очракта) балалары белән “Минем яраткан шөгылем” чарасы үткәрде. Кутлугужин Гадел, Сәмигуллин Айрат рәсем,  Муртазина Алсу, Гиниятуллин Расих панно ясадылар. Аларның эшләрен ДДТга җибәрдек. “Яхшылык эшлә” акциясендә җыелган кием – салымнар, уку әсбапларын “Чайка” интернатына тапшырдык. Барлык сыйныфларда да класс сәгатьләре, диспутлар  уздырылды. Шавалиева Алсу “Коляскаларда баскетбол”, Гараева Кадрия “Инвалид - спортчылар”  язмалары белән уртаклаштылар. Дүртенче сыйныфта “Сине сагынып” исемле Фәнис Яруллинга багышланган сыйныф сәгате узды. Шимбә көнне инвалид балалар районда уздырылган бәйрәмдә катнаштылар. Табигать тарафыннан кимсетелгән, әмма яшәү рухы сүнмәгән кешеләргә зур ихтирамыбыз беркайчанда суынмасын иде.