Апрель аенда безнең мәктәптә “ Туган телләр айлыгы” булып узды. Бер ай дәвамында рус һәм татар теле, башлангыч сыйныф, тарих һәм инглиз теле  укытучылары күп кенә кызыклы чаралар үткәрделәр. Рәсем бәйгесендә, радиотапшыруда, Г.Тукайның туган көненә багышланган чарада, “ Үз уеның да”, “ Тамчы-шоу”да балалар актив катнаштылар. “Алиса һәм аның дуслары” дип аталган инглиз телендәге чара да бик тәрбияви, эстетик зәвык белән эшләнгән иде, тамашачыларның куңеленә хуш килде.

     5-9 нчы сыйныфлар арасында “ Туган телем – иркә гөлем” темасына сочинениеләр конкурсы үткәрелде. 1 урында – Җиһаншина Г, 2 урында- Шәйдуллина Р, 3 урында – Гәрәева А.