2021 нче ел - Татарстан Республикасында туган телләр һәм халыклар бердәмлеге елы. Туган тел! Барыбыз өчен дә газиз, кадерле бу сүз. “И туган тел, и матур тел – әткәм-әнкәмнең теле!” – дип әйткән безнең бөек шагыйребез Тукай. Барлык илләрдә дә 21 нче февраль – туган тел көне буларак билгеләп үтелә. 1999 елның ноябрендә ЮНЕСКО туган телгә игътибар бирү турында мәсьәлә күтәреп чыга. Шуннан соң дөньяда телләрнең әһәмиятен күрсәтү һәм ана теленә сак караш тәрбияләү максатыннан, 21 нче февраль – бөтендөнья туган тел көне буларак билгеләп үтелә башлый. Әлеге көн уңаеннан мәктәбебездә туган телнең матурлыгы һәм көчлелеге турында сыйныф сәгатьләре, әдәби викторина, Г.Кариев музеенда әдәби кичә, мәктәбебез музейларына экскурсияләр, китапханәбездә күргәзмә, шигырь сөйләүчеләр бәйгесе, стена газеталарына конкурслар үткәрелде.