1 февральдә актлар залында 2021нче ел- Туган телләр елын ачу тантанасы булды. Әдәби-музыкаль композиция туган телебез-татар теленә багышланган иде. Укучылар туган телләрендә бөек язучыларыбызның шигырьләрен сөйләделәр, милли моңнар биюләр белән аралашып, һәр укучының күңеленә ирешерлек итеп башкарылды. Кичәне “Татар егете.Татар кызы” бәйгесенең җиңүчеләре Диләрә һәм Булат Фасиховлар алып барды. Булатның баян моңнары, Диләрәнең “Зәңгәр күлмәгем” җыры аһәңнәре күңелләрне назлады. Гыйльфанетдинова Азалия, Гарәфиева Зилә, Фазылҗанова Әдилә башкаруында шигырьләр күңелләргә үтеп керде.“Арлекино “ хореография коллективы ,”Гөлләр” җыр ансамбле, “Шатлык” инструменталь оркестры үзләренең яңа иҗат җимешләре белән сөендерделәр.

Туган телләр еллыгы кысаларында, телебезнең җәүһәрләрен саклап калу максаты белән, һәр елны укучыларыбыз төрле бәйгеләрдә катнаша. Быел туган телләр еллыгын ачу кичәсендә һәр сыйныфка аерым эш маршруты билгеләнде.