Туган тел! Һәркем өчен дә газиз сүз бу. Туган илебезнең, торган җиребезнең кадерле булуын да без иң элек туган тел аша тоябыз. Һәр халыкның туган теле – ул, иң элек, аның мәдәнияте,тарихи көзгесе.

     21 нче февраль - Халыкара туган тел көне.   Шул уңайдан, укучыларыбызда туган телебезгә карата мәхәббәт, горурлык хисләре тәрбияләүне, телебезнең сафлыгы, матурлыгы, аһәңлеге өчен армый-талмый көрәшүне максат итеп, мәктәбебездә төрле чаралар үткәрелде.

     Халыкара туган телләр көненә багышланган “ Туган телем – иркә гөлем” кичәсе узды.

      Район күләмендә үткәрелгән “Хикмәтле дә, бизәкле дә туган тел”дип аталган шигырь конкурсына 3 нче сыйныф укучысы Гомәрова Әминә, 6 нчы сыйныф укучысы Хәлиуллин Илүснең видеоязмаларын җибәрдек.

      5 нче сыйныф укучылары “Газиз туган телем” дип аталган  викторинада катнашты. Телебездәге иң матур, иң якын булган җәүһәрләрне барладылар. Укучыларыбыз тапкырлыкта,зирәклектә ярыштылар.

      3 нче сыйныф укучылары “Халкыбызның милли бизәкләре” дигән темага проект эшен башкардылар. Бу эшләр “ Халкыбызның милли бизәкләре” дигән күргәзмәгә куелды.  Балаларны татар халкының милли киемнәре, милли орнаментлары белән якыннанрак таныштыру максаты куелган иде.