7 нче май- бөек татарҗырчысы, татар музыка сәнгатенең иң куренекле шәхесләренең берсе, ТАССРның атказанган артисты,ТАССРның халкы артисты - Рәшит Ваһаповның туган көне. Шушы мәртәбәле көнне, җырчының тууына 111 ел тулуга багышлап Казан шәһәре Совет районында урнашкан Урта гомуми белем бирүче 171 нче мәктәптә Рәшит Ваһапов исеммендәге сыйныф-музей ачылды.

Күп еллар дәвамында Рәшит Ваһапов татар халкының популяр җырчысы булып килә. Ул оста итеп татар халык җырларын һәм татар композиторларының вокаль музыкаларын интерпретацияли. Аңа матур тавыш тембры,  татар җырларының тирән мәгънәсен халыкка җиткерәбелү таланты бирелгән. Татарстаннан читтә яшәүче татарлар өчен дә аның коцертлары зур вакыйга булып саналган.

Музей ачылышында  җәмәгать һәм сәясәт эшлеклесе, татар шагыйре, язучы, дәүләт советы депутаты Рәзил Вәлиев, шагырь, Тукай премиясе лауреаты Ренат Харис, Рәшит Ваһапов фонды җитәкчесе Рифат Фаттахов, халык җырчылары Зөһрә Сәхәбиева,Миңгол Галиев, Феринанд Сәләхов катнаштылар.

Әлеге музей мәктәп директоры, Рания Накиповна Галиәкбәрова, идеясе һәм тырышлыгы белән ачыла. Музейга экспанатлар мәктәп хезмәткәрләре, Рәшит Ваһаповның туганнары, Актук авылы халкы ярдәмендә җыелган.  Экскурсияне мәктәп укучлары алып бара.

Музей ачылу тантанасы Рәшит Ваһапов җырларыннан торган концерт, җанлы аралашу белән тәмамлана.

Кабатланмас моң агыла,

Рәшит Ваһапов моңы,

Моңнарга уралып кала

Йөрәкнең нечкә кылы.

                          Дилә Булгакова