Китапханәче Занфира Гамбаровна балаларны Шәүкәт Галиевның иҗаты, шигырьләре белән таныштырды. 

Дети знакомились с творчеством Шауката Галиева.

Көннең яктылыгы кояшта, күкнең матурлыгы йолдызларда, җир йөзенең гүзәллеге әниләрдә. Әни! Нинди бөек исем. Дөньяда әниләрдән дә газиз, изге зат юктыр.
"Әниләр көне" зур бәйрәмгә әверелеп бара. Һәр елнын ноябрь азагында әниләрне бәйрәмнәре белән котлыйбыз. 30 нчы ноябрьдә безнен бакчада да әниләргә багышланган бәйрәм узды . Сабыйлар  әниләрен бәйрәм белән котлап, үзләренең шигырь, җыр-биюләрен бүләк иттеләр, бергәләшеп,әниләр белән уеннар уйнадылар. Соңыннан, үз куллары белән ясаган бүләкләрен тапшырдылар. Әниләр бәйрәме куңелле үтте.  

  Урамда карлы,салкын кыш та якынлаша. Бу вакытта салкын җилләрне җиңеп, нәни канатларын җилпеп азык эзләүче кошларга бик кыен. Шуңа күрә кышын кошлар кеше янына елыша, агач ботагына кунып чыркылдашып, кешеләрнең игелекле гамәлләренә, мәрхәмәтенә өметләнәләр. Чөнки кошларга салкыннар түгел, ә ачлык күбрәк куркыныч тудыра.
   Без,  бакчада тәрбияләнүче балалар, әти-әниләр ярдәме белән кошларга көчебездән килгәнчә ярдәм итәргә тырышабыз, аларга җимлекләр ясыйбыз. Прогулка вакытында, җимлекләрне бакчабызда үсеп утырган агачларга элдек. Һәр көн саен аларга җимнәр сибәбез, кошчыкларның җим чүпләгәннәрен сокланып күзәтәбез. Кошларга ярдәм итә алуыбыз белән без бик сөенәбез.
Кыш җиттеме-кошлар өчен
Без ашханә ачабыз.
Һәм кошларга эндәшәбез:
-Рәхим итеп ашагыз!

Без нәниләрне кыш та сагынган, 

Килеп ак карлар яудырган.

Безнең бүгенге көнебез, кояшлы иртәләребез меңнәрчә каһарманнар каны белән яулап алынган. Без аларның үлемсез батырлыгы алдында баш иябез. Бүген патриот шагыйрь Муса Җәлилнең көрәштәше, якташыбыз Зиннәт Хәсәновның туган көне. Шул уңайдан Сарайлы балалар бакчасында Зиннәт Хәсәновны искә алып үттек. Җәлилчеләр турында презентация карадык. Зиннәт Хәсәнов, Муса Җәлил,Абдулла Алиш, Гайнан Кормаш һәм башка көрәштәшләр белән палач балтасы каршысына елмаеп атлаганнар . Үзенең Ватанга бирелгәнлеге, батырлыгы белән Зиннәт Хәсәнов, җәлилчеләр гвардиясенең бер солдаты буларак, мәңгелек тарихка кереп калды. 

Наш детский сад награжден грамотой ОО занявшее 3 место в конкурсе видеороликов "Мой любимый детский сад" среди дошкольных образовательных учреждений./ "Мой любимый детский сад" видеоролик конкурсында катнашып безнең балалар бакчасы 3 нче урынны алды.