Ел саен февраль ае Иске Кәшер урта мәктәбендә хәрби- патриотик айлык итеп үткәрелә. 21 нче февраль көнне айлыкның йомгаклау этабы буларак “Аҗаган” уены үткәрелде. Уен барышында “Бөркет” һәм “Лачын” командасы бик күп төрле ярышларда көч сынаштылар. Иң соңыннан азимут буенча байрак табу уены оештырылды. Балалар уеннардан бик канәгать калдылар.  

ПОЗДРАВЛЯЕМ! Наша команда девушек в составе: Гайфуллиной Эльвины, Харисовой Эльвины, Файзуллиной Айгуль заняла 2 ое место в командном первенстве района по настольному теннису среди девушек 1997 г.р. и моложе в рамках Спартакиады учащихся района. МОЛОДЦЫ!

Дөньяның матурлыгы саф хисләрдә чагылыш таба. Ә беренче саф хисләр мәктәп елларында бөреләнә. 

Ел саен 14 нче февраль Изге Вәли көне- гашыйклар көне итеп уздырыла. Мәктәптә дә шул уңайдан кечкенә генә, ләкин бик тә эчтәлекле чара уздырылды. 

14-15.02.2015 көннәрендә Чистай шәһәрендә Татарстан Республикасының гер күтәрү буенча ярышлары булып узды. Безнең мәктәп укучысы Мортазин Ильшат 1997-98 нче елгы егетләр арасында үз үлчәү категориясендә 2 нче урынны яулады. Бу уңышы белән аны котлыйбыз. Алга таба да югары үрләр яулавын телибез!

13  нче февраль көнне Иске Кәшер урта мәктәбенә Әфган сугышы ветераны полковник Рафаэль Газизуллин һәм военкоматта призывниклар белән эшләүче өлкән прапорщик Хадиуллин Ленар балалар белән очрашуга килделәр. Үзләренең чыгышларында Бөек Ватан һәм Әфган сугышлары, хәрби хезмәткә кагылышлы сорауларны күтәрделәр. Соңыннан Әфган сугышы турында документаль  кино каралды. Очрашуда 7 нче 11 нче класс укучылары катнашты.

Әлифба китабы һәр баланы белемгә илтүче юл башы.  Мәктәбебездә шул уңайдан башлангыч класс укучылары өчен зур бәйрәм узды. 1 нче класс укучылары үзләренең белем һәм һөнәрләрен күрсәттеләр. Барысы да матур, дөрес  итеп укый- яза, шигырьләр сөйли, җырлый, табышмакларга җаваплар таба беләләр. Бәйрәмгә әкият геройлары да кунак булып килгәннәр иде. 

13 нче февраль көнне мәктәпкә Сарман киночелтәреннән график буенча кино күрсәтергә килделәр. Анда борынгы Болгар турында документаль фильм күрсәтелде. Ә соңыннан наркомания афәте турында нәфис фильм куелды.

Бөек Җиңугә 70 ел тулу уңаеннан безнең мәктәптә дә бик куп чаралар уткәрелә. Тыл hәм сугыш ветераннары белән очрашулар, музейларга экскурсияләр, класс сәгатьләре h.б. Мәсәлән, 5 нче февраль көнне герой-шагыйрь Муса Җәлилнең көрәштәше, авылдашыбыз Зиннәт Хәсәнов музеена экскурсия оештырдык. 

Мәктәп- бала өчен икенче туган йорт, ә укыткан укытучы- икенче әни. Шуңа да ел саен  мәктәптә традицион студентлар кичәсе уза. Быел да, 30 нчы январь көнне үзебезнең  мәктәптә белем алган балалар,  мәктәпне һәм яраткан укытучыларын сагынып,  Иске Кәшер мәктәбенә җыелдылар. Кичәне оештыручы һәм бик кызыклы итеп алып баручылар  11 нче сыйныф укучылары Шарифуллина Ландыш һәм Сәхәбиева Зилә булды. 

2015 нче елның 24 нче гыйнварында Сарман муниципаль районы Җәлил №2 мәктәбендә 1997-99, 2001-2002 һәм аннан да яшьрәк булган егетләр һәм кызлар арасында укучылар Спартакиадасы кысаларында  шахмат ярышлары узды.

Бу ярышларда безнең мәктәптән 3 егет һәм 3 кыз катнашты. Алар команда беренчелегендә 4 нче урынны алды.

Шәхси зачетта 1997-99 елгы кызлар арасында Шайдуллина Гүзәлия 2 нче урынга, ә 2002 елгы һәм яшьрәкләр арасында Мортазина Язилә 3 нче урынга лаек булды.

Безнең мәктәп 4 нче ел инде 4 нче урынны алып килә. Команда зачетына үз өлешләрен керткән укучылар: Гимадиев Айдар, Шайдуллина Гүзәлия, Мортазина Язилә, Миннегулов Данил, Хамитова Ләйсән, Мортазин Ильшат.