Сарман гимназиясендә «Ин яхшы әйдаман» республика конкурсының муниципаль этабы үтте. Ә кем соң ул Әйдаман? Әйдаман ул – балаларга әти-әни кебек кадерле кеше, кирәк чакта күңел ачтыручы, уен оештыручы позитив кеше, бөтен бәйрәмнәрне дә алып баручы оста, һәр яктан сәләтле, һәрдаим балалар ялын файдалы һәм күңелле итеп үткәрү турында уйланучы укучы ул. Әлеге бәйгедә районыбызның төрле мәктәпләрендә белем алучы иң актив 16 укучы бала катнашты.

Бәйге 3 этаптан торды. Беренчесендә әйдаманнар үзләре турында презентацияләр аша тулырак сөйләделәр. Икенче өлештә алар “Дөнья – әйдаман күзлегеннән” исемле видеоролик күрсәттеләр. Өченче этапта иң яхшы әйдаман исеменә дәгъва кылучылар үзләре үткәрәчәк чараны тәкъдим итәргә, ягъни аудитория белән эшләү сәләтләрен күрсәтергә тиешләр иде. Катнашучыларның һәрберсе дә бирелгән биремнәрне үтәп, жюри әгъзалары алдында үзләренең бар осталыкларын да күрсәттеләр.

 “Җәлил гимназия”сеннән Альфира Гарипова, абсолют җиңүче булып, «Иң яхшы әйдаман» республика бәйгесендә безнең район данын яклаячак. Барлык очколарны исәпләгәннән соң урыннар түбәндәгечә билгеләнде: 1 урын - Петровка мәктәбеннән Аделина Плеснякова, 2 урын – Җәлил беренче номерлы урта мәктәбеннән Элиза Дәүләтгәрәева, 3 урын – Саклаубаш мәктәбеннән Язилә Сахабиева. "Иң эрудицияле әйдаман” – Сарман гимназиясеннән Лилия Латипова, "Иң энергияле әйдаман” – Нөркәй мәктәбеннән Гүзәл Димеева, "Иң янып торучы әйдаман (Самый яркий)” – Иске Кәшер мәктәбеннән Гөлшат Рамазанова, "Иң иҗади әйдаман” – Сарман урта мәктәбеннән Миләүшә Ибраһимова, "Иң заманча әйдаман” –Сарайлы мәктәбеннән Валентин Нигматуллин, "Иң игелекле һәм ярдәмчел әйдаман” – Әлмәт мәктәбеннән Айзилә Сәгыйтова, “Иң яшь әйдаман” –Мортыш-Тамак мәктәбеннән Рәмилә Хөсәенова.