2014-2015нче уку елында Әлмәт шәһәрендә, Клара Булатова иҗатына багышлап, республикакүләм конференция үткәрелгән иде. Бу чарада безнең мәктәп укучылары да катнашты. “Актерлык  осталыгы” номинациясендә театр түгәрәге әгъзалары 5нче сыйныф укучылары Сафина Алсу, Хисматов Айгиз (җитәкчеләре  Габидуллина Л.Ө.) III дәрәҗә диплом һәм 500 сум акчалата бүләккә лаек булдылар.“Клара Булатова  иҗатында ана образы” темасына фәнни – эзләнү эше әзерләгән 11 нче сыйныф укучысы Садыйкова Ильмира  (фәнни җитәкчесе Габидуллина Л.Ө.), авторга багышлап “Иҗатыгызга гашыйкмын” шигырен язган 9 нчы сыйныф укучысы Набиева Зөлфия (фәнни җитәкчесе Хабибелхакова И.М.) үзләренең эшләре туплаган “Шушы яктан, шушы туфрактан без” исемле җыентык һәм диплом белән бүләкләнделәр.