«Кеше хокукларын яклау һәм саклау безнең изге бурычыбыз!”дигән девиз астында яши,эш алып бара безнең Петровка гомуми урта белем бирү мәктәпнең балигъ булмаган балалар арасында хокук саклаучы “Школьный дозор” отряды.Һәрчак уяулык,җитезлек,кыюлык сорала бу егет-кызлардан. Мәктәптә укучылар арасында тәртип бозу очраклары кимегән икән,монда аларның да тырышлыгы зур.

        ТР ның №71 Законы нигезендә үткәрелгән рейдлар вакытында  хокук бозучы укучыларга нәкъ менә үзләренең яшьтәшләре кисәтү ясыйлар,төпле киңәшләрен бирәләр икән,ул күпкә отышлы һәм нәтиҗәле.Үзләренең  үрнәк тәртипләре нигезендә алар яшь буында шәфкатълелек,миһербанлылык, начар гадәтләрне булдырмау кебек сыйфатларны тәрбиялиләр.Алдагы эшләрендә дә уңышлар телибез аларга.