Беренче сыйныф укучылары өчен уку елы башы ул-укытучылар һәм мәктәп белән танышу. Ләкин мәктәп музеенда булмыйча торып, күпләр өчен һичшиксез икенче йорт булачак мәктәп тарихы белән танышырга мөмкин түгел.

Бүген 1 сыйныф укучылары мәктәпнең туган як тарихын өйрәнү музеена экскурсия ясадылар . Бу балаларның музей экспонатлары һәм тарихи кыйммәтләре белән беренче танышуы иде.

Мәктәп музеена сәяхәт кызыклы экскурсия формасында узды .Экскурсияне мәктәп музее җитәкчесе Сабирҗанова Фәйрүзә Ниловна үткәрде. Беренче сыйныф укучылары өчен музей залы буйлап төрле экспозицияләр белән кызыклы һәм танып белү экскурсиясе үткәрелде, алар безнең җирлек тарихын, халыкның көнкүрешен, мәктәп тарихын аңларга һәм күрергә ярдәм итте.

Укучылар рәхәтләнеп тыңладылар, экспонатларны кызыксынып карадылар. Фәйрүзә Ниловна безнең мәктәп турында кызыклы мәгълүмат әзерләде, балаларны мәктәп тарихы, ветеран укытучылар, мәктәпнең беренче педагогик коллективлары, төрле еллардагы чыгарылыш сыйныф укучылары, укучыларның һәм бөтен мәгариф учреждениесенең казанышлары белән таныштырды.

Балаларга Бөек Ватан сугышына багышланган экспозиция аеруча ошады. Күргәзмә витриналарында сугыш ветераннарының фотопортретлары, бүләкләр һәм бүләкләү таныклыклары, фронт хатлары, сугышта катнашучыларның шәхси әйберләре тәкъдим ителде.

Музей педагогикасы балаларның мәдәният дәрәҗәсен күтәрә, әйләнә-тирә дөнья турында күзаллауларын баета һәм киңәйтә, иҗади активлыкны стимуллаштыра.

Балалар музей белән танышуларына бик шатландылар. Күргән экспонатлардан бик күп тәэсирләр калды. Моннан шундый нәтиҗә ясарга була: музей балаларның үткәне белән мөнәсәбәтләрен билгеләргә мөмкинлек бирә. Ул укучыларны кече Ватанның тарихи үткәне белән таныштыра һәм зур тәрбияви әһәмияткә ия.

Музейда тагын бик күп танышасы кызыклы материаллар калды. Безнең яшь  укучыларыбызны яңа очрашуларда көтеп калабыз!