Чыгарылыш укучылары, сез тормышыгызда иң дулкынландыргыч  мизгелләрнең якынлашуын сизәсезме? Озакламый сезнең өчен соңгы кыңгырау чыңлар. Әгәр әле юк икән, белегез, мэктэбебезнен  беренче сыйныф укучылары бу вакыйгага актив әзерләнәләр. Бүген укучылар тәрбия буенча директор киңәшчесе һәм активистлар белән бергә чыгарылыш сыйныф укучыларына җылы теләкләр  язылган кәгазь самолетлар ясадылар.  Бу самолетлар өмет, киләчәккә ышаныч һәм кече сыйныф укучыларыннан өлкән иптәшләренә яхшы теләкләр символы булачак. Чыгарылыш сыйныф укучылары бу самолетларны соңгы кыңгырауда алачаклар, һәм без ышанабыз, бу юлламалар аларның йөрәкләрен җылытачак һәм көч өстәячәк! Хыяллар тормышка ашсын.