Бүген безнең мәктәп укучылары, укытучылар белән бергәләп, мәктәп яшелчә бакчасы утырттылар. Үсеп килүче буынны тәрбияләүдә мәктәп яны участогы-бакчаның роле бик зур.  Нәкъ менә монда, илнең төп байлыгы буларак, җиргә мөнәсәбәт формалаша, монда җиргә, хезмәткә мәхәббәт салына, үсемлекләргә сакчыл мөнәсәбәт тәрбияләнә. Бездә матур булсын өчен, укучылар петуния утырталар. Алар безнең җирлектә яхшы үсә торган иң таләпчән булмаган һәм шул ук вакытта матур үсемлекләр булып санала. Чәчәкләр-матурлык кына түгел, ә  табигатьнең бер өлеше дә, аны сакларга кирәк. Мәктәп яны участогындагы хезмәт балаларда экологик аң, әйләнә-тирә мохиткә җаваплылык нигезләрен тәрбияли һәм коллективта эшли белүне формалаштыра. Ә иң мөһиме, укучылар табигатьне кайгыртуда бәяләп бетергесез тәҗрибә туплыйлар, җаваплылыкка һәм хезмәт сөючәнлеккә өйрәнәләр. Җәй башында ук чәчәкләребез узып баручыларны матурлыгы белән сөендерәчәк! Ә монда үстерелгән яшелчәләр соңыннан мәктәп ашханәсендә өстәлдә пәйда булачак.