29 ноябрь  көнне, авыл мәдәният йортында,  мәктәп балалары тарафыннан әзерләнгән әниләр көненә багышланган концерт кичәсе булып узды. Бәйрәм кичәсендә “Театр” түгәрәгендә (җитәкчесе Габидуллина Л.У.), бию тугәрәгендә “Ритм” (җитәкчесе Алексеева Л.Р.) йөрүче балалар уңышлы чыгыш ясадылар.Программада: испан халык  биюе (8 класс укучылары), веерлар белән бию (7 класс укучылары), вальс (10 класс укучылары) һәм шаян балалар биюләре (4-5 класс укучылары) башкарылды. Шулай ук “Зәңгәр шәл”, “Әни килде” драмаларыннан өзек, мәзәкләр,Рамазанова Миләүшә башкаруында  җырлар тәкъдим ителде. Бәйрәмебезне алып баручылар Аглямов Илназ белән Старкова Ангелина ямьләндереп  тордылар.