Мәктәптә Бөтенроссия "Җиңү хаты"  акциясе узды.Укучылар, 1941-1945 нче елгы Бөек Ватан сугышы белән бәйле  вакыйгаларда катнашкан гаилә әгъзаларына, "үткәнгә хатлар" яздылар.

10-11 нче сыйныф укучылары "Бөек Ватан сугышы" Бөтенроссия онлайн тест эшләделәр.

20 нче апрель көнне Зур Нөркәй урта мәктәбе спорт залында “Нөркәй” агрофирмасы призына көрәш буенча район мәктәпләре арасында ярышлар булды. Командалар арасында безнең мәктәп егетләре – беренче урын алдылар. 

1 нче апрельдән  Татарстан Республикасында шәһәр һәм муниципаль районнарның территорияләрен чистарту буенча санитар - экологик икеайлык # ЭКО весна 2018 старт алды. Безнең мәктәпнең укучылары акция үткәрделәр. Акциянең максаты: урамнарда, ишегалларында тәртип һәм чисталык булдыру гына түгел, ә халыкта экологик культура формалаштыру. Укучылар авыл халкына : "Яз җитте, ә аның белән бергә тәртип урнаштырырга вакыт җитте. Безнең урамнар, ишегаллары көтеп алган язны бик үк яхшы хәлдә каршы алмадылар. Без, мәктәп укучылары,  бу язда һәр ел саен үткәрелә торган акцияне "Без экологик чиста авылда яшәргә телибез!"- девизы астында үткәрәбез.Әйләнә- тирәбез чиста һәм матур булсын өчен кулыбыздан, көчебездән килгәнне эшләргә тырышырбыз.Әмма Сездән - өлкәннәрдән башка без бик зур эшләр башкара алмыйбыз. Әгәр тирә-юнебез чиста, җыештырылган, бөтен уңайлыклар тудырылган булсын дисәгез, безгә кушылыгыз. Безнең авыл ул - безнең туган йорт, ә чиста йортны башкаларга күрсәтергә дә, аңа кунаклар чакырырга да оят булмый.Әйдәгез, барыбыз бергә урамга чыгыйк һәм, хуҗаларча, һәр урамны, ишегалдын тәртипкә китерик. Эшебез белән туган җиребезгә ярату һәм хөрмәтне күрсәтик!".-дип мөрәҗәгать иттеләр.