Яңгыр яву укучыларны бакча эшләреннән азат итә, ләкин ял итәргә комачауламый.

Хезмәт лагеренда ял итүче укучылар Сарман җирлегендәге чисталыкны да күз угыннан калдырмыйлар. 8 нче июнь көнне алар ярдәме белән сабантуй булган урын җыештырылды.

Хезмәт лагере "Пчелка" исемен йөрткәнлектән, газетабыз да әлеге исем белән аталды.

Лагерьда ял итүчеләргә ашханә хезмәткәрләре тәмледән-тәмле ризыклар пешереп тора. Балаларның сау-сәламәт булулары өчен алар да тырышлыкларын кызганмыйлар.

Лагерьда ял итүче балалар эш белән беррәттән башка чараларда да актив катнашып киләләр. Укучылар эшчәнлеген чагылдырган газета - шуларның берсе.

Хезмәт лагере укучылары өстенә мәктәп бакчасын карап тору бурычы да куела. Алар монда да зур тырышлык күрсәттеләр.

Хезмәт лагере укучылары арасыннан редколлегия әгъзалары сайланды. Алар үз эшләренә керештеләр.

Бүген Сарман гимназиясе каршында ял һәм хезмәт ларерьлары үзләренең эшен башлап җибәрделәр.  Ял лагеренда 110 бала ял итсә, хезмәт лагерена исә 30 бала йөри. Беренче көн буларак, бүген укучыларга куркынычсызлык кагыйдәләре турында инструктаж үткәрелде. Укучыларга хәерле имин яллар теләп калабыз.

25 нче май көнне Сарман гимназиясе янәдән чыгарылыш сыйныф укучыларын зур тормыш юлына озатты. Бәйрәм барышында укучыларга адреслап күп теләкләр әйтелде, аларның уңышлары билгеләнеп үтелде. Без дә аларга имтиханнарда җиңеллек, һәм югары нәтиҗәләргә ирешеп, үзләре теләгән уку йортларына урнашуларын телибез.

Һәр елдагыча, быел да 10 нчы сыйныф егетләре 5 көнлек хәрби җыеннарга киттеләр. Аларның физик әзерлекләре, җитезлекләре буенча зур сынаулар көтә. Без исә аларга сабырлык һәм ныклык теләп калабыз.